भौतिक पुर्वाधार नै मेरो प्राथमिकता :- अध्यक्ष शाही
 |
भौतिक पुर्वाधार नै मेरो प्राथमिकता :- अध्यक्ष शाही
प्रदेश नम्बर -०७ का नवनियुक्त अध्यक्ष लालबहादुर शाहीले खेलमैदान , भौतिक पुर्वाधार र खेलसामग्री पर्याप्त भए सुदुर पश्चिमाञ्चलको खेल क्षेत्र राष्ट्रियअन्तर्राष्ट्रिय स्तरमा छुट्टै पहिचान बनाउने बताउनु भयो । प्रदेश नम्बर -०७ को अस्थायी टुरमुकाम धनगढीमा भएको रंगशाला पनि गुणस्तरीय र बहुउद्देश्यीय नभएकोले आफ्नो कार्यकालमा भौतिक पुर्वाधार निर्माणका लागि बिशेष लागिपरेको बताए । दार्चुलाको कवर्डहल पुर्न निर्माण , अछाम , बाजुरा , बझाङमा समेत बहुउद्देश्यीय रंगशालाको लागी योजना गरि केहि समय अगाडि धनगढीमा आउनु भएका युवा तथा खेलकुद मन्त्री माननीय जगत बिश्वकर्मा लाई ज्ञापन पत्र समेत बुझाएको बताए । मन्त्रीज्यु बाट सकारात्मक धारणा तथा सहयोगका लागी आश्वासन समेत पाएका छौ यस्ले हामीलाई थप उर्जा मिलेको छ " अध्यक्ष शाहीले भने आठौं राष्ट्रिय प्रतियोगितामा सुदुर पश्चिमले अन्य प्रतियोगिताको तुलनामा अझै उत्कृष्ट नतिजा ल्याउने कुरामा बिश्वस्त छु" । नेपाली सेनाको त्रिभुवन आर्मी क्लब , सशस्त्र प्रहरीको एपीएफ र नेपाल प्रहरीको पुलिस क्लबमा रहेका विभिन्न खेलका अधिकास खेलाडी यस प्रदेशका रहेको बताउदै अध्यक्ष शाहीले दीपक बिष्ट जस्ता खेलाडी जन्माउने स्थलका रूपमा परिचित भएको स्मरण गर्नुभयो । खेलाडीलाई राज्यकोषबाट लगानी गरेर सुनिश्चित गरिने समेत बताउनु भयो ।त्यसको लागी पहिलो प्राथमिकता भनेको भौतिक पुर्वाधार नै हो , खेलाडी शहरमा होईन ग्रामीण भेगमा बढी हुन्छन् ऊनीहरुको प्रतिभालाई चिनेर राष्ट्रको लागि उपयोग गर्न सक्नु पर्ने धारणा समेत औल्याउँनु भयो ।
Comments
Post a Comment